دبحتينى...
سرقتى الفرحه من قلبى وبعتينى..
ورغم ده كله يا بلادى أسير حبك
وغير دربك ماليش تانى
ياريت لو كنت عايزانى
لكن قدرى أحبك موت..
وتبقى انت اللى كرهانى..؟
عجيب أمرك...؟!
أقرب خطوتى منك تصدينى..
واشد ف ايدك الخشنه تزقينى..
وتتهمينى بالارهاب...؟؟
شوارعك كلها ضلمه قصاد عينى.
ومية نيلك الحلوه بتروى اغراب
لكن عندى بتتعكر ماتروينى...
ويدفا الغريب يابلادى بشموسك..
وبيبوسك..
وأنا اتلسوع بنار الكره والتغريب..
كأنى غريب..
برغم ان الغريب فيكى عزيز الدار..؟؟
قصيدة/عجيب أمرك للشاعر/محمد الكاجوجى
